孔小姐每日放工都會喺紅磡海底隧道口巴士站搭巴士過海返屋企，平時佢見到啲站長都比較粗聲粗氣，催乘客上車，但今日（6月12日），一位身高約5呎8吋、身型瘦削、戴眼鏡後生站長嘅一個舉動，就令佢對站長嘅印象完全改觀！

孔小姐放工去搭巴士，紅隧巴士站墟冚就梗㗎啦，個個都好狼狽，有人冇帶遮仲慘變落湯雞添。現場有幾個站長喺度指揮以免人多混亂，人群之中，孔小姐見到個後生站長揸住把特大遮喺巴士站跑嚟跑去，細心睇吓，每逢有巴士埋站，嗰個後生站長就會跑埋去開遮，原來為上車嘅乘客擋雨。

樂善好施的人，必得豐裕；施惠於人的，自己也必蒙施惠。(箴11:25)